काठमाडौं । मनकामना स्मार्ट लघुवित्तको आईपीओ बाँडफाँड भएको छ । कम्पनीको विक्री प्रवन्धक एनएमबी क्यापिटलले सोमबार बिहान उक्त आईपीओ बाँडफाँड गरेको हो । कुल १९ लाख ५४ हजार २ सय ७४ जनाले आवेदन दिएको उक्त आईपीओमा गोलाप्रथाबाट जम्मा ३६ हजार ३ सय ४९ जनाले सेयर हात पारेका छन् । जसमध्ये २ जनाले भने ११ ११ कित्ता सेयर हात पारेका हुन् ।

विक्री प्रबन्धक एनएमबी क्यापिटलका अनुसार आवेदन दिएका मध्ये २ हजार ७ सय ५३ जनाको आवेदन रद्ध भएको थियो । यस्तै बाँकी योग्य आवेदकमध्ये १९ लाख १७ हजार बढिले भने सेयर नपाई हातखाली भएको छ ।

असार १७ गतेदेखि आईपिओ बिक्रि खुला गरेको कम्पनीले ३ करोड ८९ लाख बराबरको ३ लाख ८९ हजार कित्ता सेयर निष्काशन गरेको हो । जस मध्ये ६ हजार ५८ कित्ता कम्पनीका कर्मचारीलाई र १९ हजार ४ सय ५० कित्ता सेयर सामुहिक लगानी कोषलाई छुट्याईएको थियो । बाँकि रहेको ३ लाख ६३ हजार ४ सय ९२ कित्ताको लागि सर्वसाधारणले आवेदन दिएका हुन् ।

नेपाल धितोपत्र बोर्डले विभिन्न अनलाईन पत्रिकाहरुलाई आईपीओको नतिजा राख्न नमिल्ने व्यवस्था गरेसँगै आईपीओको नतिजा हेर्ने २ देखि ३ ओटा निकाय तोकिएका छन् । जसमा निष्काशन गर्ने कम्पनी, विक्री प्रवन्धक र मेरोसेयरमार्फत मात्रै आईपीओ परेनपरेको हेर्न सकिन्छ । जसमा मनकामना स्मार्ट लघुवित्तको वेबसाइट https://www.manakamanalbs.com/,  बिकी प्रबन्धक एनएमबि क्यापिटलको वेबसाइट https://www.nmbcl.com.np/ , सिडीएससीको मेरोशेयरको वेबसाइट https://meroshare.cdsc.com.np/#/login  र सिडीएसले आईपिओको लागि संचालन गरेको वेबसाइट https://iporesult.cdsc.com.np/ बाट हेर्न सकिने छ ।