काठमाडौं । नेपाल प्रहरीले सात हजारभन्दा बढी प्रहरी भर्ना गर्ने सूचना सार्वजनिक गरेको एक हप्ता नबित्दै अर्ध सैन्य बल सशस्त्र प्रहरीले पनि पदपूर्तिका लागि आवेदन माग गरेको छ ।
शुक्रबार सूचना सार्वजनिक गर्दै सशस्त्रले प्रहरी निरिक्षक(इन्सपेक्टर) र प्रहरी सहायक निरिक्षक(असई) पदका लागि भर्ना खुलाएको हो । सशस्त्रले ४३ जना इन्सपेक्टर र २ सय ३९ जना असई माग गरेको हो ।
ईच्छुक उम्मेदवारले केन्द्रीय कार्यालयसहित सशस्त्र प्रहरीका विभिन्न सात स्थानमा रहेका नेपाल बाहिनी मुख्यालयमार्फत दरखास्त बुझाउन सक्नेछन् । आगामी कात्तिक ३० गतेसम्म यस्तो दरखास्त दिन सकिने सशस्त्र प्रहरीले जनाएको छ । छनौटको परिक्षा भने १११४ मा एसएमएस गरेर बुझ्न सकिने छ ।
