बिजखबर संवाददाता
८ मंसिर, काठमाडौं । विश्व बैंकले काबेली जलविद्युत् आयोजनाका लागि थप रकम सहयोग गर्ने भएको छ । उसले आयोजनाका लागि ऋण र अनुदान सहयोग गर्न लागेको अर्थ मन्त्रालयले बताएको छ । ३७ दशमलव ६ मेगावाटको काबेली ए जलविद्युत् आयोजना ताप्लेजुङ र पाँचथर जिल्लामा निमाण भइरहेको छ ।
उक्त आयोजना निर्माणका लागि विश्व बैंक अन्तरगतको इन्टरनेशनल डेभलपमेन्ट एसोसियसनले थप ४६ मिलियन डलर (नेरु ४ अर्व ५३ करोड) सहयोग गर्ने भएको छ । जसमध्ये ४० मिलियन ऋण बापत उपलब्ध गराउने बापत र ६ मिलियन अनुदानबापत प्राप्त हुने अर्थ सचिव सुमनप्रसाद शर्माले बताए । ‘हामीले उक्त आयोजनाका सम्पन्न गर्नका लागि विश्व बैंकसँग थप ऋण तथा अनुदान लिने समहति गरेका छौं,’ उनले भने । आयोजना निर्माणसँगै विश्व बैंकले क्रमश पैसा उपलब्ध गराउने समेत उनले जानकारी दिए ।
यस्तै विश्व बैंक अन्तर्गतकै इन्टरनेशनल बैंक अफ रिकन्सट्रक्सन एन्ड डेभलपमेन्टले पनि वायोग्यास प्रोजेक्ट विस्तारका लागि ७८ करोड रुपैयाँ अनुदान दिने भएको छ । यी दुवै सम्झौतामा सोमबार अर्थ सचिव सुमनप्रसाद शर्मा र विश्व बैंक नेपालका कन्ट्री म्यानेजर टकुया कमाटाले हस्ताक्षर गरेका छन् । बैंकले बायोग्यास प्रोजेक्ट विस्तार गर्नका लागि दिएको अनुदान रकम वैकल्पिक ऊर्जा प्रवद्र्धन केन्द्र मार्फत परिचालन गरिने छ ।
सन् २०१९ मा सम्पन्न हुने अनुमान गरिएको यो आयोजनाको कूल लागत १०२ दशमलव ०८ मिलियन अमेरिकी डलर लाग्ने अनुमान गरिएको छ । सुरुमा ३० मेगावाट मात्रै भनिएपनि पछि विस्तार गरी आयोजनाको क्षमता ३७ मेवागाट पु¥याइएको थियो ।
