काठमाडौं । ग्लोबल आइएमई बैंकले आन्तरिक राजस्व कार्यालय महेन्द्रनगरमा एक्सटेन्सन काउण्टर संचालनमा ल्याएको छ ।
बैंकले संचालनमा ल्याएको उक्त काउण्टरको आन्तरिक राजस्व कार्यालय महेन्द्रनगरका प्रमुख कर अधिकृत लेखनाथ शर्मा (पंगेनी) ले उद्घाटन गरेका हुन ।
बैंकले सेवाग्राहीको बढ्दो चाप र बिस्तारित बैंकिङ सेवाको आवश्यकतालाई मध्यनजर गर्दै एक्सटेन्सन काउण्टर सुरु गरेको हो । महेन्द्रनगरमा एक्सटेन्सन काउण्टरको उद्घाटनसँगै बैंकको एक्सटेन्सन काउण्टरको संख्या २९ पुगेको छ ।
बैंकले १३८ शाखा, १४७ एटिएम, २९ एक्सटेन्सन काउण्टर तथा राजस्व संकलन काउण्टर र १६८ शाखा रहित बैंकिङमार्फत सेवा प्रदान गर्दै आईरहेको छ । त्यस्तै बैंकले अत्याधुनिक प्रविधियुुक्त भाईवर बैंकिङ, मोबाइल बैंकिङ, इन्टरनेट बैंकिङलगायतका सेवा समेत प्रदान गर्दै आईरहेको छ ।
