इयूको कालो सूचीबाट नहट्नुमा हवाई सुरक्षा कि प्राधिकरण विभाजन ?, मन्त्री भन्छन् अप्रिलसम्ममा कालो सूचीबाट हट्छ

काठमाडौं । संस्कृति पर्यटन तथा नागरिक उड्डयन मन्त्री रविन्द्र अधिकारीले नेपाललाई आगामी अप्रिलसम्ममा युरोपियन युनियन (ईयू) को कालो सुचीबाट हटाउने दावी गरेका छन । नागरिक उड्ययन प्राधिकरणलाई नियामक र सेवा प्रदायक गरी छुट्टा छुट्टै बनाएर ईयुको कालो सूचीबाट हटाउनका लागि अन्तिम तयारी गरिएको जानकारी दिएका हुन् ।

नेपाललाइ अन्तरराष्ट्रिय नागरिक उड्डयन संगठन (आकाओ) ले समेत कालो सूचीबाट हटाई सकेको अवस्थामा इयूले कालो सुचीमा राखिराख्नु औचित्य नरहेको समेत जानकारी दिएका छन । मन्त्रालयको तर्फबाट गर्नु पर्ने काम सबै गरिसकेकाले अप्रिल सम्ममा इयूको कालो सुचीबाट नेपाल हटने उनको दाबी थियो ।

मन्त्री अधिकारीले भने ‘इयूले’ नेपाल नागरिक उड्डयन प्राधिकरणलाई नियमक निकाय र सेवा प्रदायक संस्था नबनाएकै कारणले गर्दा नेपाललाई कालो सुचीबाट नहटाएको समेत प्रष्ट पारेका छन । तर हामीले नियमन निकाय र सेवा प्रदायक संस्था छुट्टा छुट्टै बनाईसकेकाले अवको दिनमा इयूले पनि कालो सुचीबाट हटाउने मन्त्री अधिकारीको भनाई रहेको थियो ।

तर हवाई सुरक्षा तथा प्राधिकरण सुपरिवेक्षण महाशाखाका सहसचिब बुद्धिसागर लामिछानेले भने इयूको कालो सुचीबाट नेपाल नहटनुमा हवाई दुर्घटना न्युनिकरण गर्न नसक्नु मुख्य कारक तत्व रहेको बताएका छन ।

‘इयूले हामीलाई नियमक निकाय र सेवा प्रदायक संस्था नबनाएकै आधारमा कालो सुचीमा राखेको भने होइन,’ उनले भने, ‘कालो सूचीबाट हटाउनुपूर्व ‘नेपालले कसरी काम गरिरहेको छ त्यो हेर्छ ।’
उनका अनुसार प्राधिकरणलाई नियमक निकाय र सेवा प्रदायक संस्था बनाउन काम भन्दा झुटको खेति गर्नेको जमात बढेकाले लामो समय हुँदा सम्म पनि कामले गति लिन नसकेको उनको भनाई थियो । नियमक निकाय र सेवा प्रदायक संस्था बनाउन हामी पनि छलफलकै क्रममा रहेकाले अव छिट्टै यो विषयमा टुङ्गो लाग्ने उनले जानकारी दिए ।


फेसबूक कमेन्ट गर्नुहोस्