काठमाडौं । तारा एयरको विमान दुर्घटना भएको छ । नेपालगञ्जबाट जुम्ला उडेको तारा एयरको विमान दुर्घटना भएको हो ।
शनिबार दिउँसो कल साईन ९ एमईजी जहाज जुम्लाको लागि २ बजेर १५ मिनेटमा उडेको थियो । २ बजेर ५० मिनेटमा अवतरण गर्ने क्रममा टाएर पञ्चर भएर दुर्घटना भएको त्रिभुवन अन्तरराष्ट्रिय विमानस्थलका प्रवक्ता प्रेमनाथ ठाकुरले बताएका छन ।
दुर्घटनाबाट खासै क्षति नपुगेको ठाकुरले बताएका छन । उनका अनुसार चालक क्याप्टेन जेके निरौला र को पाईलट हिक्मत राकायाले उडान भरेका थिए । जहाजमा चालक दल सहित १९ जना सवार रहेको ठाकुरले बताएका छन ।
