काठमाडौं । विश्वमा मोबाईलको बढ्दो प्रयोगका कारण यसमा प्रयोग हुने एप्सहरुको पनि उत्तिकै चर्चा हुने गर्छ । एक अनुसन्धानका अनुसार एक मोबाईल एप्सले पनि सम्बन्धित देशको अर्थतन्त्रमा ठुलो भूमिका खेलेको हुन्छ ।
अनुसन्धानका अनुसार सन २०२१ सम्ममा मोबाईल एप्सको विश्व अर्थतन्त्र ६ दशमलव ३ ट्रिलियन पुग्ने अनुमान गरिएको छ । उक्त अनुसन्धान प्रतिवेदनले सन २०१९ मा धेरै डाउनलोड गरिएका उच्च २० ओटा एप्सको सूची सार्वजनिक गरेको छ ।
प्रतिवेदनका अनुसार सन २०१९ मा एप्स डाउनलोड १ सय १५ विलियनले बढेको छ । प्रतिवेदन अनुसार उक्त अवधिमा एप स्टोरबाट ३१ विलियन डाउनलोड र गुगल प्लेबाट ८४ विलियन पटक एप्सहरु डाउनलोड भएका छन ।
सबैभन्दा प्रख्यात मानिएको सामाजिक संजाल फेसबुक भने धेरै डाउनलोड हुने ५ एप्समध्ये चौथो स्थानमा परेको छ । पछिल्लो ४ बर्षमा ह्वाट्एपले भने धेरै डाउनलोड हुने एप्सको पहिलो स्थान जमाईरहेको छ । सन २०१९ भर ह्वाट्एप मात्रै १६ विलियन पटक डाउनलोड भएको छ ।
यस्तै भिडियो क्याटागोरीको एप्स लाईकी भने यसै बर्षदेखि धेरै डाउनलोड हुने एप्सको सूचीमा प्रवेश गरेको हो । सन २०१९ मा लाईकी एप्स धेरै डाउनलोड हुने एप्सको छैठौ स्थानमा परेको छ । यस्तै यो सूचीमा सन २०१८ मा प्रवेश गरेको टिकटकले भने ह्वाट्एपलाई टक्कर दिएर दोस्रो स्थानमा पुगेको छ ।
टिकटकले सन २०१९ मा मात्रै १ सय ११ मिलियन डलर आर्जन गरेको छ । जुन सन २०१८ को यसको कमाईको तुलनामा ५ गुणा बढी हो । यस्तै सन २०१९ मा म्यासेन्जर एप्स भने धेरै डाउनलोड हुने एप्सको तेस्रो र ईन्स्टाग्राम पाँचौ स्थानमा परेका छन् । भारतमा मात्रै सन २०१९ मा विभिन्न एप्सहरु ५ अर्बपटक डाउनलोड भएका छन । जुन अमेरिकाको तुलनामा २ अर्बले बढी हो ।
