काठमाडौं । नेपालका जहाजहरुमा सानो तिनो केहि त्रुटि आउँदा पनि विदेशी ईन्जिनियर बोलाएर मर्मत गर्नुपर्ने दिनको अन्त्य भएको छ । नेपाल बायु सेवा निगमले लामो समयपछि ‘पार्ट १४५’ को स्विकृति पाएसँगै अब नेपाली ईन्जिनियरहरुले नै जहाजको मर्मतसम्भार गर्न सक्ने भएका हुन ।
यसअघि बेलायतको बीसीटी नामक संस्थाले पाएको उक्त स्विकृति अब नेपाल वायुसेवा निगमले नै पाएको हो । निगमले लामो समयको तयारी पछि नेपाल नागरिक उडड्यन प्राधिकरणमा जहाजको मर्मत सम्भार नेपालमै गर्ने गरी ‘पार्ट १४५’ स्वीकृति प्राप्त गरेको हो ।
पार्ट १४५ भन्नाले जहाजको मर्मत सम्भार गर्ने संस्थालाई दिइने एक प्रकारको प्राविधिक स्वीकृति हो । उक्त स्विकृति पाईसकेपछि ‘ए ३३०’ को लाइन मर्मतको काम स्वयम् नेपाल वायुसेवा निगमले नै गर्नेछ ।
लाइन मर्मत कार्य भन्नाले जहाजको मर्मत सम्भार अप्रोनमा गर्ने स्त्तरोन्नतिको कार्यलाई बुझिन्छ । जसमा जहाज उड्नु अघि र अवतरण पछिको अनुगमन र मर्मत पनि पर्दछ । हाल यस कार्यको लागि बीसीटी नामक बेलायतको अन्र्तराष्ट्रिय संस्थासँग सम्झौता गरिएको थियो ।
निगमले उक्त स्विकृति पाईसकेपछि जुलाई देखि नै उक्त कार्य निगमका इन्जिनियरमार्फत गर्ने जानकारी दिएको छ । जसबाट निगमको मासिक ५० देखि ६० लाख रुपैयाँ देशबाट बाहिरीने अवस्थाको अन्त्य हुनेछ र नेपाली दक्ष जनशक्तिहरुले थप अवसर प्राप्त गर्नेछन् ।
त्यसैगरी पार्ट १४५ अन्र्तगत रहि निगमले ‘एमए–६० र वाई १२ ई’ जहाजको बेस मेन्टेनेन्स (लाइन मर्मतको भन्दा माथिल्लो स्तर) को कार्यको पनि स्वीकृति पाएको छ । उक्त स्विकृति पाईसकेपछि चीनबाट जहाज मर्मतको लागि आवश्यक दक्ष इन्जिनियरहरुलाई बोलाई राख्नुपर्ने बाध्यताको समेत अन्त्य भएको निगमले जानकारी दिएको छ ।
उक्त स्विकृतिपश्चात ‘एमए ६० र वाई १२ ई’ को साना देखि ठूला मर्मतको कार्यहरु नेपाली इन्जिनियरहरुले गर्ने भएका छन् । जसले गर्दाे निगमको बार्षिक करोडौं रुपैयाँ बाहिर जाने रकम देशभित्रै प्रयोगमा आउने भएको निगमले जानकारी दिएको छ ।