तराई र चीन जोड्न तीनवटै सडक १ घण्टाभन्दा बढि अबरुद्ध भए ठेकेदारलाई कारबाही

काठमाडौं । भौतिक पूर्वाधार तथा यातायात व्यवस्था मन्त्री रघुवीर महासेठले बर्षातको समयमा तराई हूँदै नुवाकोट र केरुङ जान तीन वटै सडक १ घण्टाभन्दा बढि अबरुद्ध भएका ठेकारदारलाई कारबाही गर्न निर्देशन दिएका छन् ।

ठेकेदारको लापरबाहीले काठमाडौंबाट नुवाकोट हुँदै केरुङ नाका जाने अबरुद्ध भएपछि गुनासो गर्न पुगेका नुवाकोटको जनप्रतिनिधिलाई भेट गर्दै उनले सम्बद्ध निकायलाई निर्देशन दिएका हुन् । ‘मैले उक्त सडकलाई चौविसै घण्टा संचालनमा राख्नका लागि अहिले नै सम्बद्ध निकायलाई निर्देशन दिनेछु,’ जनप्रतिनिधिसँगको भेटमा उनले भने, ‘यदि बर्षातको समयमा बाढी पहिरोको कारण देखाउँदै १ घण्टाभन्दा बढि अबरुद्ध गरेका मलाई भन्नुस तत्काल कारबाही गर्नेछु ।’

 

हाल भारत हुँदै चीन तथा काठमाडौंबाट नुवाकोट हुँदै केरुङ नाका जाने तीनवटा सडक छन् । तर, तीनवटै सडक निर्माणधिन अवस्थामा छन् । ठेकेदारले समयमै काम नसेकका कारण अहिले तीन वटै सडक अवरुद्ध भएको छ ।

टोखा–केरुङ, गल्कछी–त्रिशूली र पासाङल्हामु मार्गअन्तर्गत बालाजु–त्रिशूलीका सडक तीन चार वर्षदेखि खनेर छाडिएको र वर्षामा हिलाम्य भई सवारी साधन र मानिसहरुलाई आवतजावत गर्न गाह्रो भएको छ ।

भेटमा मन्त्री महासेठले टोखा–छहरे मार्गमा सुुरुङ निर्माण गर्न प्राथमिकता दिई चालू आर्थिक बर्षदेखि नै केन्द्रले पूरा गरी सम्बन्धित प्रदेशलाई हस्तान्तरण गरिने समेत उनले जानकारी दिए ।


फेसबूक कमेन्ट गर्नुहोस्