काठमाडौं। सरकारले हवाइ उडान असार २१ गतेसम्म बन्द गर्ने निर्णय गरेको छ । संस्कृति, पर्यटन तथा नागरिक उड्डयन सचिव केदारबहादुर अधिकारीले मन्त्रिपरिषदले जुलाई ५ अर्थात् असार २१ गतेसम्म उडानमा प्रतिबन्ध लम्ब्याएको जानकारी दिएका हुन् ।
यसअघि असार १६ गतेसम्म आन्तरिक तथा अन्तर्राष्ट्रिय उडानमा प्रतिबन्ध लगाइएको थियो । सरकारले गत वर्ष चैत ११ देखि आन्तरिक तथा अन्तर्राष्ट्रिय नियमित उडान बन्द गरेको थियो ।
नियमित उडान बन्द भए पनि यात्रु उद्धार तथा कार्गो जहाजले भने विशेष अनुमति लिएर उडान गर्न पाउने जनाइएको । नेपालमा कोरोना संक्रमणको जोखिम कम हुनाको सट्टा थप बढिरहेकाले उडान मिति लम्ब्याइएको हो ।
