काठमाडौं । चौधरी समुहले १ वर्षमा ७ अर्ब ८८ करोड कर तिरेको जनाएको छ । सोमबार एक प्रेस विज्ञप्ति जारी गर्दै यस्तो जानकारी दिएको हो ।
आफुहरुले ७ अर्ब ८८ करोडको कर तिरेपनि सरकारले संस्थागत घरानाबाट तिरिने करलाई वर्गीकरण नगर्दा आफूहरु सम्मानित हुनबाट छुटेको दावी गरेको छ ।
त्यस्तै कम्पनीले विज्ञप्ति मार्फत अधिक कर बुझाउने व्यक्तिका रुपमा सम्मानित करदाताहरुलाई बधाई ज्ञापन गरेको छ ।
साथै यस्तो वर्गीकरण तथा सम्मानले करदातालाई राष्ट्रिय अर्थतन्त्रमा सघाउन र विकास प्रक्रियामा योगदान दिनका लागि उत्प्रेरित गर्ने उल्लेख गरेको छ ।
चौधरी समूहले आर्थिक वर्ष २०७२र७३ मा राजस्वमार्फत् राज्यलाई कुल ५५९.९७ करोड योगदान गरेको प्रेश विज्ञप्तिमार्फत जानकारी दिएको छ । उक्त आर्थिक वर्षमा संकलन गरेको कुल राजश्वको १.४८ प्रतिशत हुने समूहको दावी छ ।
त्यस्तै आर्थिक वर्ष २०७३र७४ मा सिजीले ७८८ करोड राजश्व योगदान गरेको पनि जनाएको छ । जुन, राजश्व अघिल्लो वर्षको
तुलनामा ४० प्रतिशतले बढी हो ।
चौधरी समुहको शेयरधनीहरुले लाभांश लिनुअघि कम्पनीले नै ऐन अनुसार राजस्व तिर्ने र राजस्व तिरिसकेपछि मात्र लाभांश प्राप्त गर्ने हुनाले सेयरधनीहरुले राजस्व तिरेपनि व्यक्तिगत करको रुपमा प्रतिविम्वित नहुने गरेको बताएको छ ।
