Logo

यी हुन् पूँजीगत खर्च गर्न नसक्ने मन्त्रालय, जसको प्रगति शुन्य, प्रधानमन्त्री कार्यालयको पनि दयनीय अवस्था

यी हुन् पूँजीगत खर्च गर्न नसक्ने मन्त्रालय, जसको प्रगति शुन्य, प्रधानमन्त्री कार्यालयको पनि दयनीय अवस्था


बिजखबर संवाददाता
0
Shares

काठमाडौं । चालू आर्थिक वर्षको ६ महिनामा कतिपय मन्त्रालयहरुको पूँजीगत खर्च शुन्य प्रतिशतमै रहेको छ । सरकारले यस पटक पूँजीगत खर्च उच्च रुपमा बढाउने भन्दै सावकिको भन्दा ४५ दिन अघि बजेट सार्वजनिक गरेपनि कार्यान्वयन पक्ष भने दयनीय नै रहेको छ ।

अर्थ मन्त्रालयले चालू आवको बजेटको अर्धवार्षिक समिक्षा गर्दै स्वास्थ्य तथा जनसंख्या मन्त्रालयको पूँजीगत खर्च सबैभन्दा न्युन रहेको जानकारी दिएको छ । सो अवधिमा मन्त्रालयको पूँजीगत खर्चको प्रगति शुन्य दशमलव ६५ मात्र रहेको छ । सो मन्त्रालयलाई १ अर्ब ११ करोड ७८ लाख रुपैयाँ पूँजीगत खर्च छुट्याइएकोमा ७३ लाख रुपैयाँ मात्र खर्च गर्न सकेको छ ।

यस्तै विज्ञान तथा प्रविधि मन्त्रालयको १ दशमलव १९ प्रतिशत रहेको छ । देशलाई आधुनिक प्रविधिमा लैजन चालू आवको बजेटमा सो मन्त्रालयलाई ५० करोड ४० लाख रुपैयाँ विनियोजन गरिएपनि खर्च भने ६० लाख रुपैयाँमात्र भएको प्रतिवेदनले देखाएको छ ।

पहिलो ६ महिनाको अवधिमा वाणिज्य मन्त्रालयले कुल विनियोजित पूँजीगत खर्चको २ दशमलव ९० प्रतिशत बजेट खर्च गरेको छ भने युवा तथा खेलकुद मन्त्रालय ३ दशमलव ६२ प्रतिशत रकम खर्च गरेको छ ।

सो अवधिमा प्रधानमन्त्री तथा मन्त्रीपरिषद् कार्यालय अन्तरगत विनियोजन गरिएको पूँजीगत खर्चको पनि ज्यादै न्युन रहेको छ । सो कार्यालयलाई ३५ अर्ब ५७ करोड २७ लाख रुपैयाँ पूँजीगत बजेट विनियोजन गरिएपनि ३ दशमलव ७८ प्रतिशत अर्थात १ अर्ब ३६ करोड ६० लाख रुपैयाँमात्र खर्च गरेको छ ।

मेशिन रिडेवल पासपोर्टलाई सहज र कुटनीतिक नियोग व्यवस्थित गर्न नसक्दा परराष्ट्र मन्त्रालयले पनि पूँजीगत खर्च गर्न सकेको छैन । कुल २ अर्ब ३० करोड रुपैयाँ पूँजीगत बजेट विनियोजन गरिएकोमा ४ दशमलव ५१ प्रतिशत अर्थात १० करोड ३७ लाख रुपैयाँ खर्च गरेको छ ।

उद्योग मन्त्रालयले ६ दशमलव ७० प्रतिशत पूँजीगत खर्च गर्दा संस्कृति पर्यटन तथा नागरिक उड्ययन मन्त्रालयको ७ दशमलव ३६ प्रतिशत र शहरी विकास मन्त्रालयको पनि ८ दशमलव ५६ प्रतिशत मात्र रहेको छ ।

२०७३ पुस मसान्तसम्मको मन्त्रालयगत खर्च विवरण

budget_kharcha

प्रतिक्रिया दिनुहोस्
MBL