काठमाडौं । बुधबार नेप्से परिसुचक २ दशमलब २६ अंकले उकालो लागेको छ । सो दिन सेयर बजार १४ सय ४ दशमलव ४९ अंकमा पुगेर बन्द भएको हो ।
बुधबार कारोबारमा आएका अधिकांस समुहको परिसुचक उकालो लाग्दा समग्र सेयर बजारमा सकारात्मक प्रभाव देखिएको हो । सो दिन होटल समुहको परिसुचक सबैभन्दा बढी ३५ दशमलब ९२ अंकले बढेको छ ।
त्यस्तै बीमा ३१ दशमलब ३४, विकास बैंक १० दशमलब १७, माइक्रोफाइनान्स ८,फाइनान्स ५ दशमलब ७२,ट्रेडिङ ४ दशमलब २२ र बैंकिङ समुह १ दशमलब ९७ अंकले उकालो लागेको छ ।
यता जलविद्युत, अन्य र उत्पादन समुह भने क्रमशः ८ दशमलब १,५ दशमलब ५७ र ३ दशमलब ४१ अंकले घटेको छ ।
बुधबार बुटवल पावर कम्पनीको सबैभन्दा बढी २ करोड ४२ लाख र सानिमा माई जलविद्युत आयोजनाको २ करोड २२ लाख रुपैयाँ बराबरको सेयर कारोबार भएको छ । सो दिन १५६ ओटा कम्पनी कारोबारमा आएका थिए ।
ती कम्पनीको ७ लाख ४९ हजार कित्ता सेयरबाट ३१ करोड १५ लाख रुपैयाँ बराबरको कारोबार भएको छ ।
