काठमाडौं । मंगलबार नेप्से परिसुचक ९ दशमलव ७९ अंकले उकालो लागेको छ । सो दिन सेयर बजार १५ सय ८५ अंकमा पुगेर बन्द भएको हो ।
मंगलबार कारोबारमा आएका सबै समुहको परिसुचक उकालो लाग्दा समग्र सेयर बजारमा सकारात्मक प्रभाब परेको देखिन्छ ।
सो दिन बीमा समुहको परिसुचक ६० दशमलव ७९ अंकले बढेको छ । त्यस्तै होटल ३५ दशमलव २८, जलविद्युत १५ दशमलव ८, विकास बैंक १३ दशमलव ४८ र बैंकिङ समुहको परिसुचक ७ दशमलव ९५ अंकले बढेको छ ।
त्यसैगरी फाइनान्स समुह ७ दशमलव ५२,अन्य २ दशमलव ३१ र उत्पादन समुहको परिसुचक ० दशमलब ६८ अंकले उकालो लागेको छ ।
सो दिन नविल बैंक लिमिटेडको २४ करोड ६१ लाखको प्रमोटर सेयर कारोबार भएको छ । मंगलबार १ सय ४९ कम्पनी कारोबारमा आएका थिए । ती कम्पनीको १९ लाख ३० हजार कित्ता सेयरबाट ९९ करोड ६३ लाखको कारोबार भएको छ ।
