काठमाडौं । मंगलवार नेप्से परिसुचक १७ दशमलव ९३ अंकले उकालो लागेको छ । सो दिन सेयर बजार १ हजार ४ सय ७६ दशमलव ९० अंकमा पुगेर बन्द भएको छ । कारोवारमा आएका अधिकांश समुह उकालो लाग्दा समग्र सेयर बजारमा सकारात्मक प्रभाव परेको हो ।
मंगलवार वीमा समुहको परिसुचक सवैभन्दा बढी १ सय ६८ दशमलव ८४ अंकले उकालो लागेको छ । त्यस्तै जलविद्युत २० दशमलव ८९,बैंकिङ १८ दशमलव ९३ र विकास बैंक १० दशमलव २१ अंकले बढेको छ ।
त्यसैगरी फाइनान्स र उत्पादन समुह क्रमशः ७ दशमलव ८९ र ० दशमलव ३४ अंकले बढेको छ । यता होटल र अन्य समुहको परिसुचक भने १२ दशमलव ४१ र १ दशमलव ४५ अंकले घटेको छ ।
बुधवार १ सय २६ कम्पनी कारोवारमा आएका थिए । ती कम्पनीको ५ लाख ८७ हजार कित्ता सेयरबाट ३७ करोड ३२ लाखको कारोवार भएको छ ।
