काठमाडौं । मंगलवार नेप्से परिसुचक १७ दशमलव ८९ अंकले ओरालो लागेको छ । सो दिन सेयर बजार १ हजार ७ सय ५१ दशमलव ८९ अंकमा झरेर बन्द भएको हो । कारोवारमा आएका सवै समूह ओरालो लाग्दा समग्र सेयर बजारमा नकारात्मक प्रभाव परेको देखिन्छ ।
मंगलवार बीमा समुहको परिसुचक सवैभन्दा बढी १ सय ३३ दशमलव ४६ अंकले घटेको छ । त्यस्तै होटल समुह ३५ दशमलव ६३ र सेयर बजारमा सवैभन्दा बढी प्रभाव रहेको बैंक समुहको परिसुचक १९ दशमलव ४६ अंकले ओरालो लागेको छ ।
त्यसैगरी विकास बैंक १७ दशमलव ४३,फाइनान्स २ दशमलव ३ढ र जलविद्युत समुह ० दशमलव ५१ अंकले घटेको छ । मंगलवार १ सय २७ कम्पनी कारोवारमा आएका थिए । ती कम्पनीको ७ लाख ६४ हजार कित्ता सेयरबाट ७१ करोड ३२ लाखको कारोवार भएको छ ।
