काठमाडौं । सनराइज क्यापिटलले आफ्ना सेयरधनीलाई ४ करोड रुपैयाँ नगद लाभांश वितरण गर्ने भएको छ । शुक्रबार सम्पन्न क्यापिटलको ९ औं वार्षिक साधारण सभाले उक्त प्रस्ताव पास गरेको हो ।
सभाले सञ्चालक समितिबाट सिफारिस भए बमोजिम आर्थिक बर्ष २०७५/०७६ को मुनाफाबाट सेयरधनीहरुलाई २० प्रतिशत (४ करोड) नगद लाभांश वितरण गर्ने प्रस्ताव पारित गरेको छ ।
सभाले आव २०७५/०७६ को वार्षिक प्रतिवेदन, वासलात, नाफा नोक्सान हिसाब एवं नगद प्रवाह, लेखा परीक्षकको नियुक्ती लगायतका निर्णय पारित गरेको कम्पनीले जानकारी दिएको छ ।
