काठमाडौं । नाडा अटोमोबाईल्स एशोसिएशनले ‘नाडा अटो शो २०१९ आयोजना गर्ने भएको छ । एशोसिएशनले काठमाडौंको भृकुटिमण्डपमा यही भदौ १० देखी १५ गते सम्म उक्त मेला आयोजना गर्ने भएको हो ।
१४ औं संस्करणको रुपमा आयोजना गर्न लागेको उक्त शोमा १ सय ६० वटा स्टल रहने आयोजकले जानकारी दिएको छ । मेलामा अन्तरराष्ट्रिय ब्राण्डका सवारी साधन, लुब्रीकेट, टायर, पार्टपुर्जाका साथै राष्ट्रिय ब्राण्डका अटो सामग्री उत्पादकको सहभागिता रहने छ ।
६ दिन सम्म चल्ने उक्त मेलामा २३ ओटा ब्राण्डका ४ पाङ्ग्रे १९ ओटा ब्राण्डका दुई पाङ्ग्रे, १२ ओटा ब्राण्डका लुब्रीकेट, ९ ब्राण्डका टायर लगायतका संस्थाहरुको सहभागिता रहने आयोजकले जानकारी दिएको छ ।
आयोजकका अनुसार विगतमा भन्दा यस बर्ष अवलोकनकर्ताहरुको सुविधालाई मध्यनजर गर्दै २, ४ पाङ्ग्रे, वित्तीय संस्था, कम्पोनेन्टस एवं ग्यारेजको छुट्टा छुट्टै प्रदर्शन गरिने भएको छ । साथै मेला अवधिभर अस्थाई आकाशे पुलको समेत ब्यवस्था गरिएको आयोजकले जानकारी दिएको छ ।
६ दिने उक्त अटो शोमा करिब ७५ हजार जनाले अवलोकन गर्ने आयोजकको अपेक्षा रहेको छ । यस बर्षको आकर्षकको रुपमा भने ओमेगा अटोमोबाईल्सको प्रायोजनमा जिपिएक्स जेन्टलमेन २०० सिसि क्षेमताको मोटरसाईकल एक जना अवलोकनकर्तालाई उपहार स्वरुप प्रदान गर्ने भएको छ ।
