काठमाडौं । सेयर कारोबारका लागि अनलाईन सेवा लिने लगानीकर्ताहरुको संख्या १२ हजार नजिक पुगेको छ । हालसम्म ब्रोकरमार्फत ११ हजार ५ सय ८४ जना लगानीकर्ताले सेयर कारोबारका लागि अनलाईन सेवा लिएको नेपाल स्टक एक्स्चेञ्ज (नेप्से)ले जानकारी दिएको छ ।
लगानीकर्ताले अनलाईनमार्फत सेयर खरिदबिक्री गर्न ब्रोकर कहाँ दर्ता भएर युजर नेम र पासवर्ड लिनुपर्छ । त्यसरी युजर नेम र पासवर्ड लिएपछि सम्बन्धित लगानीकर्ताले ब्रोकर कहाँ नपुगिकनै नअलाईनमार्फत सेयर खरिदबिक्री गर्न सक्छन् ।
नेप्सेले दिएको जानकारी अनुसार बिहीबारसम्म आर्यतारा इन्भेष्टमेन्टबाट सबैभन्दा बढी लगानीकर्ताले अनलाईन कारोबारका लागि युजर नेम र पासवर्ड लिएका छन् । सो ब्रोकरमार्फत १ हजार २ सय १३ लगानीकर्ताले अनलाईन कारोबारका लागि स्वीकृति लिएका छन् ।
यसैगरी दोस्रोमा भिजन सेक्युरिटिज रहेको छ । ३४ नम्बर ब्रोकर भिजनमार्फत बिहीबार सम्ममा १ हजार १ सय ९७ जना जना लगानीकर्ता दर्ता भएर अनलाईन कारोबारका लागि स्वीकृति लिएका छन् । सो अबधिमा अरुण सेक्युरिटिजबाट सबैभन्दा कम २० जना लगानीकर्ताले अनलाईन कारोबारका लागि स्वीकृति लिएका छन् ।
