काठमाडौं । नेपाल कन्ष्ट्रक्सन एण्ड इन्जिनियरिङ कर्पोरेशन (एनसीइसी) ले सडक निर्माणमा प्रयोग हुने डाइनाप्याक ब्राण्डका परिमार्जित उपकरण नेपाली बजारमा भित्र्याएको छ ।
नेपालमा आफ्ना उत्पादनको बिक्री बितरण सुरु गरेको १० वर्षको उपलक्ष्यमा डाइनाप्याकले परिमार्जित उपकरण भित्र्याएको हो ।
एक कार्यक्रमबीच एनसीइसीले अत्याधुनिक प्रविधियुक्त परिमार्जित उपकरण भित्र्याएको हो ।
एनसीईसीका मुलुकभर रहेका बिक्रि र सेवा केन्द्रमार्फत डाइनाप्याकका पछिल्ला संस्करणको बिक्री बितरण हुने छ ।
नेपाल कन्स्ट्रक्सन एण्ड इन्जिनियरिङ कर्पोरेशनका प्रमुख कार्यकारी अधिकृत सिद्धार्थमणी राजभण्डारीले डाइनाप्याकका नयाँ उत्पादन नेपालको भौगोलिक बनावट अनुकुल रहेको बताए ।
उनले भने, ‘नेपालको भौगोलिक विकटतामा पनि डाइनाप्याकका उत्पादनले सडक निर्माणको काम सहज रुपमा गर्नेछ । साथै पछिल्ला संस्करणमा थपिएका सुरक्षा प्रविधिले हामी नेपालको बजारमा स्थापीत हुनेमा आशावादी छौं ।
फायाट ग्रुपको अंशका रुपमा रहेको डाइनाप्याकले भारतको क्षेत्रीय कार्यालय मार्फत नेपाल भित्रको सेवा संचालन गर्नेछ ।
नेपालको विकास निर्माण तथा पूर्वाधार निर्माण गर्ने राष्ट्रिय महत्वका आयोजनामा सहभागि हुन पाउँदा गौरवान्वित भएको फायाट ग्रुप, डाइनाप्याक इण्डियाका प्रबन्ध निर्देशक मुकुल चक्रवर्तीले बताए ।
