काठमाडौं नेपाल धितोपत्र बोर्डले सिभिल बैंकलाई हकप्रद निष्काशनको लागि स्वीकृति प्रदान गरेको छ । बैंकलाई बुधकार ४० प्रतिशत हकप्रद सेयर निष्काशन गर्न स्वीकृति प्रदान गरेको हो ।
बैंकले १ सय रुपैयाँका दरले कुल २ करोड ७ लाख ४० हजार कित्ता सेयर निष्काशन गर्न लागेको हो । बैंकले उक्त हकप्रद निष्काशन तथा बिक्री प्रबन्धकमा लक्ष्मी क्यापिटल मार्केटलाई बिक्री प्रबन्धक नियुक्ति गरेको छ ।
हाल बैंकको चुक्ता पूँजी ५ अर्ब १८ करोड ५२ लाख २२ हजार रुपैयाँ रहेको छ । हकप्रद निष्काशन पछि बैंकको चुक्ता पूँजी ७ अर्ब २५ करोड ९३ लाख पुग्नेछ ।
