Logo

पोखरा प्रिमियर लिगको रेस पार्टनर बन्यो टिभिएस अपाचे सिरीज, खेलकुदलाई सधै प्रोत्साहन गर्ने प्रतिवद्धता

पोखरा प्रिमियर लिगको रेस पार्टनर बन्यो टिभिएस अपाचे सिरीज, खेलकुदलाई सधै प्रोत्साहन गर्ने प्रतिवद्धता



काठमाडौ । नेपालमा हुने तीन प्रमुख टी–२० लिगहरु मध्येको एक रहेको पोखरा प्रिमियर लिग (पि.पि.एल), नेपालका लागि टि.भि.एस. मोटर साईकल तथा स्कुटरको आधिकारिक बिक्रेता जगदम्बा मोटर्स् ले टि.भि.एस. अपाचे सिरीजको रेस पार्टनरको प्रस्तावना सफल रुपमा पारित भएको छ । रेस पार्टनरका निमित्त जगदम्बा मोटर्स् प्रा.लि.का प्रबन्ध निर्देशक शाहिल अग्रवाल र पि.पि.एल का प्रबन्ध निर्देशक छुम्बी लामा बीच आपसी समझदारीमा सम्झौता पत्रमा हस्ताक्षर भएको थियो ।

यही मङसिर २८ गते देखि पौष १२ गते सम्म चल्ने पि.पि.एलका लागि दोस्रो सिजनको खेल तालिका सार्वजनिक भइसकेको छ । पि.पि.एलमा विभिन्न ६ टिम बुटवल ब्लास्टर , चितवन राइनोज, विराटनगर टाईटन, पोखरा पल्टन , एक्सपर्ट धनगढी ब्लूज र काठमाडौं रोयल्स खेल्दै छन् । उद्घाटन खेल पोखरा पल्टन र काठमाडौं रोयल्स बीच हुन लागेको पि.पि.एल पौष १२ गतेकोे अन्तिम खेल पश्चात् समाप्त हुनेछ ।

हालै सम्पन्न भएको दक्षिण एसियाली खेलकुदमा नेपालको स्तरीय प्रर्दशनी निकै प्रशंसनीय रहेको उल्लेख गर्दै जगदम्बा मोटर्स् प्रा.लि.का प्रबन्ध निर्देशक अग्रवालले भने , “नेपालमा आयोजना गरिएको यसपालीको दक्षिण एसियाली खेलकुद प्रतियोगितामा नेपालका खेलाडीहरुले हरेक विधामा निकै राम्रो प्रदर्शन गरे । धेरै भन्दा धेरै स्वर्ण पदक हात पार्न सफल भएका हाम्रा मेहनती र प्रतिबद्ध खेलाडीहरुको जोश र जाँगरले हामीलाई समेत प्रोत्साहित गरेको छ । तसथ , हामीले पनि नेपाली खेलकुद जगत्मा केही योगदान दिएमा नेपाली खेलकुदको भविष्य अवश्य सुनिश्चित हुने र प्रगतिको पथतर्फ निरन्तर बढ्नेछ भन्ने विश्वासका साथ हामी पि.पि.एल संग आवद्ध हुने निश्चय गरेका हौँ ।”

विश्व विख्यात टि.भि.एस. मोटर साईकलका नेपालको निम्ती आधिकारीक बिक्रेता जगदम्बा मोटर्स् प्रा.लि. ले आफ्नो देशव्यापी डिलरहरुको सञ्जाल मार्फत बिक्री वितरण गर्दै आईरहेको छ । कम्पनीले सधै विभिन्न खेलकुदहरुलाई प्रायोजन गर्दै आएको छ भने विभिन्न प्रतियोगिताहरु संग आवद्ध पनि हुदै आएको छ र भविष्यमा पनि यस्ता खेलकुदहरुलाई सधै प्रोत्साहन गर्ने प्रतिवद्धता जनाएको छ ।

प्रतिक्रिया दिनुहोस्
MBL