हप्तामा कति अण्डा खानुहुन्छ ? अध्ययन भन्छ, धेरै अण्डा खाने व्यक्तिको चाँडै मर्ने सम्भावना उच्च

काठमाडौं । हप्तामा ३ वा ३ भन्दा बढी अण्डा खाने व्यक्ति चाँडै मृत्युको मुखमा पुग्ने एक अध्ययनले देखाएको छ । पछिल्लो समय अण्डा सेवन फाईदाजनक या असर पुग्ने भन्ने बहस चलिरहँदा एक अध्ययनले भने अण्डा सेवन खतरापुर्ण रहेको देखाएको हो ।

अध्ययनका अनुसार ‘कुनै व्यक्तिले हप्तामा ३ वा ३ भन्दा बढी अण्डा सेवन गर्नाले मुटुसम्बन्धी रोगको समस्या हुने र कम अण्डा सेवन गर्नेको भन्दा चाँडो मर्ने सम्भावना उच्च रहन्छ ।’

Bajaj Pulsar Bizkhabar
Suzuki SPresso
Nepaltop Water Tank Sab Thik Thak Bizkhabar TWS

अण्डामा पनि अण्डा भित्रको पहेँलो भाग (योल्क) ले यो रोग निम्त्याउने बढी सम्भावना रहन्छ । जुन कोलेस्टेरोलको मुख्य स्रोत हो । गत शुक्रबार सिकागोस्थित नर्थवेस्टर्न विश्वविद्यायको स्कुल अफ मेडिसीनले निकाल्ने मेडिकल जर्नल ‘जामा’मा एउटा सिंगो अण्डामा १ सय ८६ मिलिग्राम कोलेस्टेरोल हुने उल्लेख छ ।

उक्त अध्ययनका अनुसार करिव १७ बर्षसम्म २९ हजार मानिसहरुमा गरिएको अध्ययनमा ५ हजार ४ सय जनामा मुटुसम्बन्धी रोग देखिएको थियो जसमध्ये १ हजार ३ सय २ जनामा मुटुसम्बन्धी घातक रोग, १ हजार ८ सय ९७ जनामा सामान्य र १ सय १३ जना भने मुटुसम्बन्धीकै रोगले मृत्युको मुखमा पुगेको पाईएको हो ।

यस्तै अन्य ६ हजार १ सय ३२ जना भने अन्य कारणले मरेका थिए । मानव शरिरमा प्रतिदिन ३ सय मिलिग्राम कोलेस्टेरोलको प्रयोग गरियो भने मुटुरोग लाग्ने समस्या ३ दशमलव २ प्रतिशतले बढ्छ भने चाँडै मृत्यु हुने सम्भावना ४ दशमलव ४ प्रतिशतले बढ्ने देखिन्छ । जस अनुसार एक दिनमा आधा मात्रै अण्डा खायो भने पनि मुटुसम्बन्धी रोग लाग्ने सम्भावना १ दशमलव १ प्रतिशतले र चाँडै मर्ने सम्भावना १ दशमलव ९ प्रतिशतले बढ्छ ।


फेसबूक कमेन्ट गर्नुहोस्

DMCA.com Protection Status