युरोपियन केन्द्रिय बैंकको अध्यक्षमा आईएमएफकी प्रवन्ध निर्देशक क्रिष्टिन, अर्थतन्त्र सकारात्मक हुने विश्वास

christine-lagarde

काठमाडौं । इन्टरनेशनल मनिटरी फण्ड (आईएमएफ)की प्रवन्ध निर्देशक क्रिस्टिन लागार्ड यूरोपियन सेन्ट्रल बैंकको अध्यक्षमा नियुक्त हुने भएकी छन । युरोपियन युनियनका प्रतिनिधिहरुले उनलाई युरोपियन केन्द्रिय बैंकको अध्यक्ष बनाउने योजना बनाएको खुलासा भएको छ ।

ईयुको व्यवस्थापकका लागि दिईएका नामहरुमध्ये क्रिस्टिना लागार्डको नाम भने एक नेतृत्वकर्ता उम्मेदवारको रुपमा बाहिर आएको छ । आईएमएफमा आउनुभन्दा अघि उनी फ्रान्सको अर्थमन्त्रीको रुपमा रहेकी थिईन । ६३ बर्षिय लागार्ड युरोपियन केन्द्रिय बैंकको पहिलो महिला अध्यक्ष हुनेछिन जो व्यबसायिक अर्थशास्त्री भने होईनन ।

उनी उक्त बैंकको अध्यक्ष भएलगत्तै ब्याजमा भारी कटौती गरी मुद्रास्फिती घटाउने प्रक्रिया तिर लाग्ने विश्वास गरिएको छ । यस्तै लगानीकर्ताहरुले उनी अध्यक्ष भएलगत्तै मौद्रिक नीति पनि आक्रामक र नयाँ तरिकाको ल्याउने विश्वास गरेका छन ।

विश्वको अर्थतन्त्र नकारात्मक दिशातिर गएको बताउँदै उनले विभिन्न केन्द्रिय बैंकहरुलाई आफ्नो नीतिहरुमा केही हदसम्म समायोजन गर्नका लागि आदेश दिएकी छन । उनले पहिलोपटक आईएमएफमा सन २०११ मा आफ्नो कार्यभार सम्हालेकी थिईन ।

तर फेरी सन २०१६ मा उनलाई ५ बर्षको कार्यकाल थपिएको थियो । अन्तरराष्ट्रिय स्तरमा उनलाई आईएमएफबाट कार्यकाल नसकिँदै निकाल्ल लागिएकोमा चर्काे आलोचना भईरहेको छ । उनी आफैले पनि युरोपियन केन्द्रिय बैंकको अध्यक्षा हुन पाउनेमा खुसी भएको बताएकी छन भने अन्य ठुला नेता तथा अर्थविदहरुले उनको सकारात्मक प्रशंसा गरिरहेका छन ।ब्लुम्बर्गको सहयोगमा


फेसबूक कमेन्ट गर्नुहोस्

DMCA.com Protection Status