प्रचारप्रसारलाई आफ्नै वेवसाईट बनाउनबाट पछि हट्यो भ्रमण बर्ष सचिवालय, सव–डोमेन मार्फत काम गर्ने तयारी

visit-nepal-2020

काठमाडौं । नेपाल भ्रमण बर्ष २०२० सचिवालयले सव–डोमेन राखेर काम गर्ने भएको छ । सचिवालयले निजी ट्रेकिङ कार्यालयको वेबसाइट राखेर केही समय अगाडी कर्मचारी माग गरेको थियो । उक्त समाचार बिजखबरमा प्रकाशित भए पछि सचिवालय संयोजक प्रमुख सुरज बैद्यले त्यसबारे जानकारी लिईरहेको बताएका थिए ।

सचिवालयको केन्द्र तोकेर काम कारवाही अगाडी बढाए पनि आफ्नै वेवसाईट नभए पछि अलमलमा परेकोे सचिवालयले अन्नत पर्यटन बोर्डको वेवसाईटमानै सव–डोमेन राखेर काम गर्ने भएको हो ।

Bajaj Advertisement
Suzuki SPresso
Nepaltop Water Tank Sab Thik Thak Bizkhabar TWS

सचिवालयका अनुसार काम गर्ने समय एक बर्ष मात्रै भएकाले आफ्नै वेव साईट नबनाई बोर्डकै वेवसाईटमा सव–डोमेन राखेर काम गर्न जानकारी दिएको छ । जसले गर्दा सचिवालयको समयसीमा समाप्त भए पनि पछि काम गर्न सजिलो होस भन्नका लागि सव–डोमेन राखेर काम गर्न लागेको हो ।

बोर्डकै वेवसाईटमा सचिवालयले nepal2020.org.npसव–डोमेन राख्ने काम भईरहेको र अबको एक हप्ता भित्रै उक्त सव–डोमेन संचालनमा ल्याउने गरी काम भईरहेको बताएको छ ।२०२० मा २० लाख पर्यटक भित्र्याउने उद्देश्य सहित प्रचार प्रसारको लागि खोलिएको सचिवालयको वेबसाईट यस अघि खुला गर्दा उक्त वेवसाईट निजी ट्रेकिङ कम्पनीको भएको भेटिएको थियो ।

भ्रमणबर्षमा २० लाख पर्यटक भित्र्याउन प्रचार प्रसारलाई तिव्रता दिँदै सचिवालय गठन गरेर आफ्निै वेवसाईट बनाउने भन्दै कर्मचारी माग गरेपनि अन्तत नबनाउने निर्णय गरेको हो । सचिवालयको सो निर्णयसँगै प्रचारप्रसारमा समस्या पर्ने देखिएको छ ।

टेलिफोन विहिन सचिवालय

सचिवालयले एक हप्ता भित्रै कर्मचारी छनौट प्रकृया पुरा गरी कर्मचारी ब्यवस्थापन गर्ने र टेलिफोन समेत जडान गर्ने बताएको छ । उपराष्ट्रपति कार्यालयलाई ८ सेट टेलिफोन उपलब्ध गराए पनि आफुहरुलाई भने नेपाल टेलिकमले २ सेट फोन उपलब्ध गराउन समेत आनाकानी गरेको सचिवालयका एक कर्मचारीले गुनासो पोखेका छन ।

‘अफिसिएल काम हुन्छ संधै आफ्नै खल्तीबाट पैसा हालेर फोन गर्न पनि सकिदैन टेलिकमले दिँदैन,’ ती कर्मचारीले भने, ‘तर अब भने टेलिकमले २ सेट फोन जडान गरिदिने भएको छ ।’ बारम्बारको ताकेता पछि मात्रै टेलिकमले २ थान टेलिफोन सेट उपलब्ध गराउन सहमत भएको र ३ दिन भित्रै जडान कार्य हुने एक कर्मचारीले बताए ।


फेसबूक कमेन्ट गर्नुहोस्

DMCA.com Protection Status