Logo

आयातित बस्तुमा सवा २ खर्ब करको भार कटौति गर्दै चीन, अप्रिल १ बाट लागु हुने

आयातित बस्तुमा सवा २ खर्ब करको भार कटौति गर्दै चीन, अप्रिल १ बाट लागु हुने



काठमाडौं । चिनियाँ केन्द्रीय भन्सार कार्यालयले आयातित बस्तुमा मूल्य अभिवृद्धि कर (भ्याट) कटौती गर्ने भएको छ । चीनले सन २०१९ मा आफ्नो देशका लागि विदेशबाट आयात गर्ने उद्योग तथा व्यवसायिक संस्थानले मूल्य भ्याट दरमा कटौति गर्ने बताएको छ ।

चीनले व्यवसायिक संस्थानबाट मूल्य अभिवृद्धि कर वापत लिँदै आएको करमा केही छुट दिएर कमजोर उद्योगलाई धारासायी बन्न नदिने प्रयासस्वरूप उक्त योजना ल्याउन लागेको भन्सार कार्यालयले जानकारी दिएको हो ।

चिनियाँ सामान्य भन्सार प्रशासनले बुधबार कर छुटबारे जानकारी गराउँदै भन्यो, ‘सरकारले आगामी अप्रिल १ देखि लागू हुनेगरी उक्त कर छुट योजना ल्याएको र सामान आयातमा दिइने छुटबाट सरकारले यस बर्ष ३३ अर्ब ५० करोड अमेरिकी डलर बराबरको दायित्व बहन गर्नुपर्नेछ ।’
भन्सार कार्यालयले भनेको छ, ‘करदाताहरूले विदेशबाट ल्याउने सामानमा तिर्दै आएको १६ प्रतिशत करमध्ये ३ प्रतिशत कर छुट पाउनेछन् भने १० प्रतिशत भ्याट बुझाउँदै आएका कम्पनी तथा फर्मले ९ प्रतिशत मात्र कर बुझाए पुग्नेछ ।’

सन् २०१८ को मे १ पहिले १७ प्रतिशत र ११ प्रतिशत कर उठाउँदै आएकोमा मे १ पछि सरकारले यसबाट १ प्रतिशत कम अर्थात क्रमश १६ र १० प्रतिशत मूल्य अभिवृद्धि कर उठाउँदै आएको थियो ।

पछिल्लो निर्णय अनुसार सीमापारबाट इ–कमर्समार्फत आयातित वस्तुको खुद्रा सामानको मूल्यमा पनि कर छुट हुनेछ । जसबाट स्वदेशमा निर्माण गरिएका वस्तुको मूल्य सुलभ भई स्वदेशी कम्पनी तथा फर्मलाई १ खर्ब ३५ अर्ब युआन बराबरको लाभ हुने बताइएको छ ।

चीनको सरकारी कार्यक्रम प्रतिवेदन अनुसार ठूलो दरका कर तथा शुल्कमा यस बर्ष कटौति गर्ने र करदातालाई करको भारमा कटौति गर्ने र घरेलु कम्पनी तथा फर्मको बीमाबाट प्राप्त हुने झण्डै २ ट्रिलियन युआन बराबरको सामाजिक बीमाको योगदानबाट मिलान गर्ने आश्वासन दिएको थियो । रासस÷सिन्ह्वा

प्रतिक्रिया दिनुहोस्
MBL