काठमाडौं । उर्जामन्त्री महेन्द्रबहादुर शाहीले बढुवा गर्न भन्दै विभिन्न मन्त्री तथा उच्च पदमा रहेकाहरु मार्फत आउनेको सूची तयार राखेको बताए । साथै त्यस्ता व्यक्तिहरुलाई छानीछानी दुर्गममा पुर्याउने तयारी गरेको समेत जानकारी दिए । बिहीबार विद्युत प्राधिकरणको २३ औ बार्षिकोत्सवका अवसरमा उनले यस्तो बताएका हुन् ।
मन्त्री शाहीले पावर लगाउने प्रवृत्ति फस्टाएको देखेको भन्दै त्यसको अन्त्य गर्न लागि पर्ने प्रतिज्ञा व्यक्त गरे । ‘त्यस्तालाई तह लगाएर छाड्ने छ, यो मेरो भिष्म प्रतिज्ञा हो’ उनले भने ‘मलाई पद खुस्कन्छकी भन्ने डर छैन ।’
कार्यक्रममा विद्युत प्राधिकरणको प्रत्येक काउन्टरमा पानीको व्यवस्था गर्न निर्देशन दिएका छन् । सेवा ग्राही आउदा पिउने पानी समेत नहुने भन्दै सबै कक्षमा राख्न निर्देशन दिएका हुन् । साथै बस्नका लागि कुर्ची वा बेन्चको व्यवस्था गर्न निर्दिष्ट गरे । उनले प्राधिकरणको शौचालय फोहोर हुने भन्दै सफा गर्न समेत निर्देश्न दिए ।
प्राधिकरण अन्तरगतका देशभरका कार्यलयहरुमा एउटै रङ प्रयोग गर्न समेत निर्देशन दिए । ‘भोलि देखि नै काम शुरु हुनुपर्छ,’ उनले भने, ‘दश दिनपछी म अनुगमनमा आउने छु ।’
त्यस्तै प्राधिकरणको प्रत्येक तत्लामा रहेको क्यान्टिन हटाउन समेत निर्देशन दिए ।
सो अबसरमा उनले कर्मचारीको लापरबाहीले ट्रान्सफर्मर पड्किने गरेको बताए । साथै अवदेखि जहाँको ट्रान्सफरर्मर पड्किन्छ त्यसको जवाफदेशी सम्बन्धित क्षेत्रको प्रमुख हुने बताए । मन्त्री शाहीले ट्रान्सटिर पड्केको ठाउँमा तत्काल छानविन शुरु गर्नुपर्ने बताए ।
कर्मचारीले राम्रो काम गरेको अवस्थामा सेवा तथा सुविधा बृद्धिमा मन्त्रालय तयार रहेको समेत बताए । त्यस्तै कार्यलयमा ट्रेड युनियनले आफ्नो सीमा भन्दा बाहिर गएर काम गर्न नसक्ने बताए । त्यस्तै प्राधिकरलाई स्मार्ट सिस्टममा लैजान आवश्यक भएको बताए । साथै अनलाइन पेमेन्ट लागु गर्नुपर्ने जानकारी दिए ।
कार्यक्रममा उनले प्राधिकरणले पछिल्लो १ बर्षमा गरेको परिवर्तनप्रति सन्तुष्ट रहेको बताए । साथै कर्मचारीलाई धन्यबाद समेत दिए । त्यस्तै जलस्रोतको पर्याप्त प्रयोग गरेर देश आत्मनिर्भर बन्न सक्ने उनले बताए ।
