ग्राउण्ड ह्याण्डलिङमा निगमलाई अन्तरराष्ट्रिय अवार्ड, कंसाकार भन्छन्, दुई वर्षको मिहिनेत हात पर्यो

काठमाडौं । नेपाल बायु सेवा निगमले ग्राउण्ड ह्याण्डलिङ सेवामा अन्तराष्ट्रिय गुणस्तर प्रमाणपत्र पाएको छ । ग्राउण्ड ह्याण्डलिङ सर्भिसमा उत्कृष्ठ सेवा प्रदान गरेको भन्दै इन्टरनेशनल एयरट्रान्सपोर्ट एसोसियसन(आईएटिए)ले आईएटिए सेफ्टी अडिटर्स फर ग्राउण्ड अपरेशन(इसागो) सो प्रमाणपत्र दिने निर्णय गरेको नेपाल वायुसेवा निगमका प्रवन्त्र निर्देशक सुगतरत्न कंसाकारले बताए ।

झण्डै २ वर्षको मिहिनेत पछि आफुहरुले सो प्रमाणपत्र पाएको कंसाकार बताउँछन् । ‘हाम्रा कर्मचारीले दुई वर्ष यता ग्राउण्ड ह्याण्डिलिङमा उत्कृष्ठ काम गर्दैै आएका थिए,’ उनले भने, ‘त्यसको फलस्वरुप हामीले अन्तराष्ट्रिय मान्यताप्राप्त प्रमाणपत्र पाएका हौं ।’

Bajaj Advertisement
Suzuki SPresso
Nepaltop Water Tank Sab Thik Thak Bizkhabar TWS

कंसाकारका अनुसार निगमले ग्राउण्ड ह्याण्डलिङबाट वार्षिक ३ अर्ब रुपैयाँभन्दा बढी आन्दनी गर्दै आएको छ । चालु आर्थिक बर्षको ६ महिनामै पौने २ अर्ब आम्दानी गरिसकेको छ । ‘आईएटिएले निमगलाई जुन प्रमाणपत्र दिएको छ यो हाम्रो लागि गौरवको विषय हो,’ उनले भने, ‘यसले अन्तरराष्ट्रिय स्तरमा निगमको विश्वास अझै बढ्नेछ ।’

आईएटिएले केही समय अघि नै निगमलाई सो प्रमाणपत्र दिने निर्णय गरेको र अबको १ हप्ताभित्रै नेपाल आइपुग्ने समेत उनले जानकारी लिए । ‘उनीहरुले केही समय अघि निगमलाई प्रमाणपत्र दिने निर्णय गरेका हुन्,’ उनले भने, ‘केही समयभित्रै हामीलाई पठाउने छन् ।’ उक्त प्रमाणपत्र पाएसँगै अब निगम सो सेवामा उत्कृष्ठ भएको समेत उनको दावी छ ।


फेसबूक कमेन्ट गर्नुहोस्

DMCA.com Protection Status