काठमाडौं । विश्वकै धनी व्यक्तिका रुपमा रहेका जेफ बेजोसले जलवायु परिवर्तनको क्षेत्रमा लागि ठूलो रकम खर्चिने भएका छन । उनले आफ्नो ईन्स्टाग्राम अकाउन्टबाट घोषणा गर्दै यही बर्षायाममा रकम वितरण गर्नेगरि १० अर्ब डलर खर्च गर्ने घोषणा गरेका हुन् ।
विभिन्न वैज्ञानिकहरुमार्फत अमेजनका मालिकले आफ्नो कुल सम्पत्ति १ खर्ब ३० अर्ब डलरको ८ प्रतिशत जलवायु परिवर्तनमा खर्चिने अनुमान गरिएको छ । उनका अनुसार उनलाई अमेजनका केही कर्मचारीहरुले पनि यसमा पैसा खर्च गर्न सुझाव दिईरहेका छन भने कतिपयले यसको आलोचनासमेत गरेका छन ।
उनले यसअघि सन २०१८ को सेप्टेम्बरमा घरविहिन परिवारहरुका लागि भन्दै २ अर्ब डलर बराबरको कोष खडा गरिसकेका छन् । उनले आफ्नो ईन्स्टाग्राम अकाउन्टमा भनेका छन, ‘म आज आफ्नो बेजोस अर्थ फण्ड सार्वजनिक गर्न पाएकोमा उत्साहित छु ।’
‘पृथ्वीका लागि जलवायु परिवर्तन सबैभन्दा ठूलो चुनौती हो ।’ म विभिन्न माध्ययमबाट पृथ्वीमा भएको सबैभन्दा ठुला समस्या जलवायु परिवर्तन निर्मुल पार्ने नयाँ तरिकाको खोज गर्न चाहान्छु । हामी पृथ्वी बचाउन सक्छौं ।’
