काठमाडौं। वैदेशिक रोजगारीको लागि मलेसिया जाने कामदारको स्वास्थ्य परीक्षण गर्न थप ९९ वटा स्वास्थ्य संस्थाले अनुमति पाएका छन् ।
श्रम रोजगार तथा सामाजिक सुरक्षा मन्त्रालयले एक सूचना जारी थप ९९ ओटा संस्थाको नाम सार्वजनिक गरेको हो । असार १९ गतेको मन्त्रिपरिषद बैठकले यी संस्थालाई अनुमति दिने निर्णय गरेको हो ।
श्रम, रोजगार तथा सामाजिक सुरक्षा मन्त्रालयले गत चैत्र १८ गते सूचना जारी गर्दै मलेसिया जाने कामदारको स्वास्थ्य परीक्षण गर्ने प्रयोजनको लागि आवेदन माग गरेको थियो ।
जसमा २९० वटा स्वास्थ्य संस्थाले आवेदन दिएका थिए । मन्त्रालयको प्राविधिक टोलिले मलेसिया सरकारले तोकेको मापदण्ड पूरा भए नभएको अनुगमन गरेर दिएको प्रतिवेदको आधारमा ९९ वटा संस्थालाई मात्रै स्वास्थ्य परीक्षणको अनुमति दिइएको जानकारी दिएको छ ।
यी हुन अनुमति पाएको स्वास्थ्य संस्थाहरु ।
