काठमाडौं । नेपाल विद्युत प्राधिकरणले विभिन्न रिक्त पद पुर्ती गर्न ६ सय ४४ जना कर्मचारीका लागि आवेदन माग गरेको छ । प्राधिकरणले शुक्रबार एक सुचना जारी गर्दै प्रवन्धक देखि जुनियर टेक्निसियनसम्मका लागि उक्त आवेदन माग गरेको हो ।
प्राधिकरणले उक्त सुचना मार्फत ३ जना प्रवन्धक, २ जना उपनिर्देशक, १ जना सिनियर चार्टर्ड एकाउन्टेन्ट, उपप्रवन्धक लगायतका लागि विज्ञापन माग गरेको छ । प्राधिकरणले विभिन्न क्षेत्रका लागि भन्दै ईन्जिनियर, मिटररिडिङ सुपरभाईजर, लेखापाल, सुपरभाईजर, सिनियर मिटर रिडर, सहायक लेखापाल, फोरमेन लगायतमा आवेदन माग गरेको छ ।
प्राधिकरणले माग गरेको पदहरुमा आवेदन दिनका लागि प्राधिकरणकै वेबसाईटमा गएर फारम डाउनलोड गरी भर्न सकिनेछ । प्राधिकरणले विभिन्न क्षेत्रमा गरी ईलेक्ट्रिसियन पदका लागि १ सय ३५ जनाको आवेदन माग गरेको छ । यस्तै सिनियर मिटर रिडरका लागि ९ जना, सहायक लेखापाल का लागि ६६ जना माग गरेको छ ।
