काठमाडौं । विराटनगर भन्सार कार्यालयले चालु आर्थिक वर्षको प्रथम अर्धवार्षिक सम्ममा १९ अर्ब ५७ करोड २० लाख रुपैयाँ राजस्व सङ्कलन गरेको छ ।

सो अवधिमा कार्यालयले १९ अर्ब ५६ करोड ४६ लाख रुपैयाँ राजश्व सङ्कलन गर्ने लक्ष्य लिएको थियो । उक्त कार्यालयले गत आवको सोही अवधिमा १३ अर्ब ८३ करोड ६२ लाख रुपैयाँ राजश्व सङ्कलन गरेको थियो ।

गएको वर्षको तुलनामा ४१ दशमलब ५४ प्रतिशत राजश्व सङ्कलन गर्न सफल भएको कार्यालयले आज जारी गरेको विज्ञप्तिमा उल्लेख छ ।
चालु आवमा कार्यालयले वार्षिक ४२ अर्ब ५३ करोड १९ लाख रुपैयाँ राजश्व सङ्कलन गर्ने लक्ष्य लिएको कार्यालय प्रमुख मिमांश अधिकारीले जानकारी दिएका छन ।

प्रथम अर्धवार्षिकमा भन्सार महसुल ८ अर्ब १२ करोड १ लाख रुपैयाँ, मूल्य अधिवृद्धि कर १० अर्ब ३६ करोड २६ लाख रुपैयाँ र अन्तःशुल्क १ अर्ब ८ करोड ९३ लाख रुपैयाँ सङ्कलन भएको छ ।

कार्यालयले लक्ष्य अनुसारको राजश्व सङ्कलन गर्न भन्सार जाँचमा सहज, मालबस्तुको यथार्थपरक मूल्याङ्कन तथा वस्तु वर्गीकरण, यात्रु जाँचपासमा कडाई, चोरी÷निकासी नियन्त्रण तथा गस्ती लगायतबाट प्राप्त भएको जानकारी दिएको छ ।