काठमाडौं । सरकारले बजेटमार्फत पेट्रोलियम पदार्थमा कर बढाएसँगै पेट्रोलियम पदार्थको मूल्य बढेको छ ।
नेपाल आयल निगमले बुधबार रातीदेखि नै लागु हुनेगरी पेट्रोलियम पदार्थको मूल्य बढाएको हो । अर्थमन्त्री डा. युवराज खतीवडाले आगामी आर्थिक बर्षको बजेट भाषण गर्र्दै पेट्रोलियम पदार्थमा १ रुपैयाँले करवृद्धि गरेपछि निगमले पनि हिजैबाट लागु हुनेगरी पेट्रोल, डिजेल र मट्टितेलको साविकको खुद्रा मूल्यमा वृद्धि गरेको हो ।
निगमले पेट्रोलको मूल्यमा १ दशमलव ५० रुपैयाँ वृद्धि गरी १ सय ११ रुपैयाँ, डिजेल र मट्टितेलमा १ दशमलव ५० रुपैयाँ वृद्धि गरी ९८ दशमलव ५० रुपैयाँ पुर्याएको छ ।
