८ महिनामै उर्जा क्षेत्रमा ९० अर्बको स्वदेशी लगानी, १९ आयोजनाबाट ५ सय मेगावाट उत्पादन

hydropower

काठमाडौं । चालु आर्थिक बर्षको ८ महिनामा स्वदेशी लगानीका मात्र ९० अर्ब बराबरका जलविद्युत आयोजनामा लगानी प्रतिवद्धता आएको छ ।

उद्योग विभागको पछिल्लो तथ्यांकअनुसार सौर्य उर्जा, बायु उर्जा तथा जलविद्युत लगायतका १९ ठूला उर्जा क्षेत्रमा सोही अनुसारको लगानी प्रतिबद्धता आएको हो ।

Bajaj Advertisement
Suzuki SPresso
Nepaltop Water Tank Sab Thik Thak Bizkhabar TWS

स्वदेशी लगानीमै बन्न लागेका उर्जा क्षेत्रका विभिन्न १९ परियोजनामा ८९ अर्ब ६४ करोड ८५ लाख रुपैयाँ लगानीको प्रतिवद्धता आएको विभागले जानकारी दिएको छ ।

चालु आर्थिक बर्षको साउन देखि फागुन १५ गतेसम्म ४ सय ९८ मेगावाट क्षमताका आयोजनामा लगानी प्रतिवद्धता आएको हो । जसमध्ये सिचुवान वाईपिङ जलविद्युत आयोजनाले मात्र ४५ अर्ब रुपैयाँ बराबरको २ सय ३५ मेगावाट जलविद्युत उत्पादन गर्ने भएको हो ।

सिचुवानले कम्पनीले विभागमा अञ्जु पौडेलको नाममा कम्पनी दर्ता गर्दै लगानी प्रतिवद्धता गरेको हो । यस्तै सोही अवधिमा सौर्य उर्जामार्फतका २९ मेवा क्षमताका आयोजनामा लगानी प्रतिवद्धता आएको छ ।

विभागले उपलब्ध गराएको तथ्यांकका आधारमा चालु आबको माघ महिनामा धनुसाको मिथिला नगरपालिकामा १० मेगावाट क्षमताको सौर्य उर्जा प्लान्ट स्थापनाका लागि लगानी प्रतिवद्धता आएको छ । उक्त प्लान्ट भने नेपाल र भारतका लगानीकर्ताको संयुक्त लगानीमा निर्माण हुने विभागले जानकारी दिएको छ ।


फेसबूक कमेन्ट गर्नुहोस्

DMCA.com Protection Status