काठमाडौं । भारतमा बिहीबार पेट्रोलियम पदार्थको मूल्यमा सामान्य वृद्धि भएको छ ।
वृद्धि भएको मूल्य अनुसार पेट्रोलको मूल्य प्रति लिटर दिल्लीमा ७८ दशमलव ३० भारतीय रूपैयाँ र मुम्बइमा ८५ दशमलव ७२ भारतीय रूपैयाँमा भारतीय आयल निगमले विक्री गर्न थालेको छ ।
त्यसैगरी डिजेल राष्ट्रिय राजधानी दिल्लीमा ६९ दशमलव ९३ रूपैयाँ र मुम्बइमा ७४ दशमलव २४ रूपैयाँ पुगेको छ ।
पेट्रोलका लागि यसअघिको मूल्य भन्दा दिल्लीमा १२ पैसा र मुम्बइमा १३ पैसा बढी तिर्नु पर्ने भएको समाचारमा जनाइएको छ ।
त्यसैगरी डिजलमा पनि दिल्ली र कोलकत्तामा १४ पैसा र मुम्बई तथा चेन्नईमा १५ पैसा वृद्धि भएको निगमले जनाएको छ ।