काठमाडौं । नेपाल तिब्बत व्यापार सहजीकरण समिति (एनटिटिएफसी)को २ दिने बैठक आजदेखि सुरु भएको छ । बिहीबार नेपाल सरकार उद्योग बाणिज्य तथा आपूर्ति मन्त्रालयका प्रतिनिधी तथा चीन तिब्बत व्यापारका प्रतिनिधिहरुबीच २ दिने बैठक सुरु भएको हो ।
उक्त बैठकमा नेपाल र चीनको तिब्बतबीच हुने अन्तरदेशीय व्यापारमा देखापरेका समस्या, बाधा आदी विषयको सहजीकरणका विषयमा छलफल हुने उद्योग बाणिज्य तथा आपूर्ति मन्त्रालयका सहसचिव रबि शंकर सैैंजुले जानकारी दिए ।
उनका अनुसार २ दिन सम्म चल्ने उक्त बैठकमा खासा, तातोपानी, केरुङलगायतका नाकामा हुने भन्सारसम्बन्धी समस्याको समाधानका साथै उक्त नाकाहरुमा पुर्वाधारको विकासका बारेमा छलफल हुने छन । तिब्बत नेपाल नाकाबाट विभिन्न किसीमका वस्तु तथा सामानहरु नेपाल भित्रने तथा नेपालबाट पनि उत्तिकै मात्रामा सामान निर्यात हुने हँुदा पनि यी नाकाहरुलाई व्यवस्थित गर्नुपर्ने उनको भनाइ थियो
