काठमाडौं । उद्योग मन्त्रालयले चिनियाँ कम्पनीलाई रसुवा जिल्लामा जलविद्युत उत्पादनका लागि स्वीकृति प्रदान गरेको छ ।
औद्योगिक व्यवसाय ऐन, २०७३ को दफा १८ बमोजिम मन्त्रालयमा सोमबार बसेको उद्योग तथा लगानी प्रवद्र्धन बोर्डको २२४ औँ बैठकले चीनको हाइड्रो चाइना कर्पोरेशनलाई १ सय २ मेगावाटको जलविद्युत आयोजना निर्माणका लािग स्वीकृति प्रदान गरेको हो ।
सो आयोजनाका लागि मन्त्रालयले २० अर्ब ३८ करोड रुपैयाँ बराबरको लगानी स्वीकृत गरेको हो ।
विदेशी लगानी तथा प्रविधि हस्तान्तरण ऐन, २०४९ को दफा ३ को उपदफा ३ अनुसार साविक रसुवाको स्याफ्रु, गुल्जुङ र गेल्टाङ गाविसमा पर्ने त्रिशूलीमा जलविद्युत् उत्पादनका लागि विदेशी लगानी माग भएकामा उक्त कंपनीको प्रस्ताब स्वीकृत गरिएको उद्योग विभागका प्रवक्ता दुर्गाप्रसाद भुसालले जानकारी दिए/रासस
