काठमाडौं । सरकारले उद्योगी व्यवसायीसँग लिने करको म्याद सार्ने भएको छ । बुधबार अर्थमन्त्रालयमा नेपाल उद्योग वाणिज्य महासंघका पदाधिकारीसँग भएको छलफलमा मन्त्रालयले यस्तो आश्वासन दिएको हो ।
उक्त छलफलमा अर्थसचिव शिशिर कुमार ढुंगानाले उद्योगी व्यवसायीले तिर्नुपर्ने सबै कर तिर्ने समय लम्ब्याउने आश्वासन दिएका हुन । छलफलमा अर्थसचिव ढुंगानाले मूल्य अभिवृद्धि कर र अन्तशुल्क तिर्ने समय र आयकर तिर्ने म्यादको समय सिमा फरक फरक गर्ने आश्वाशन दिएका हुन ।
नेउवा महासंघका वरिष्ठ उपाध्यक्ष गोल्छाले मन्त्रालयमा भएको छलफलमा उक्त आश्वासन पाएको र आजै सरकारले सुचना जारी गर्ने जानकारी दिए । तर यसको अनौपचारिक निर्णयको पर्खाईमा रहेको उनको भनाई छ । महासंघका वरिष्ठ उपाध्यक्ष गोल्छाको नेतृत्वमा गएको उक्त टोलीले तत्काल कर तिर्न नसक्ने प्रस्ताव राखेको थियो ।
सरकारले मंलगबार जेठ २५ गेतिभित्रै कर तिर्न ताकेता गरेपछि निजी क्षेत्र र जनस्तरबाट व्यापक दवाव भएको थियो । गोल्छाको नेतृत्वमा गएको महासंघको टोलीमा निवर्तमान अध्यक्ष पशुपति मुरारका, जिल्ला उपाध्यक्ष किशोर प्रधान र उध्योग समितिका सभापति अञ्जन श्रेष्ठको उपस्थिति रहेको थियो ।
