माथिल्लो तामाकोशी संचालक निर्वाचन अनिश्चितकालका लागि स्थगित, अदालतको फैसलापछि मात्र अर्को निर्वाचन

काठमाडौं । माथिल्लो तामोकोशी जलविद्युत आयोजनाको सर्वसाधारण संचालकको निर्वाचन अनिश्चित कालका लागि स्थगित भएको छ । आयोजनाले सोमबार एक सूचना जारी गर्दै उच्च अदालत पाटनको आदेशमा उक्त निर्वाचन स्थगित गरिएको जानकारी दिएको हो ।

उच्च अदालत पाटनले कम्पनीको ११ औं साधारण सभाको सुचनामा महिला संचालक सम्बन्धी कुनैपनि विषयवस्तु नसमेटिएको भन्दै अर्काे निर्णय नआउँदासम्मका लागि उक्त निर्वाचन स्थगित गर्न अन्तरिम आदेश दिएको हो । अदालतले ऐनमा महिलाका लागि संचालक पद छुट्याई निर्वाचन गराउनुपर्ने भएपनि आयोजनाको सुचनामा भने उक्त कुुरा समावेश नगरिएको भन्दै उक्त निर्वाचन स्थगित गरेको हो ।

Bajaj Pulsar Bizkhabar
Suzuki SPresso
Nepaltop Water Tank Sab Thik Thak Bizkhabar TWS

संचालक पदका १२ जना उम्मेदवारमध्ये गोसाईँ केशीले उच्च अदालत पाटनमा उपयुक्त आदेश जारी गरी पाउँ भन्दै रिट दायर गरेका थिए । पाटन स्थित उच्च अदालतले उक्त पदमा १ जना महिला संचालकका लागि अन्तिम टुङ्गो नलागेसम्म निर्वाचन अघि नबढाउन आदेश दिएको छ ।

यस अघि असार ११ गते गणपुरक संख्या नपुगेको भन्दै निर्वाचन स्थगित भएको थियो । निर्वाचन समितिले असार १७ गते अर्को सूचना प्रकाशित गर्दै असार ३१ गतेका लागि अर्को मिति तय गरेको थियो । तर, आज साधारणसभाका लागि गणपुरक संख्या पुगेपनि अदालतको आदेशले निर्वाचन हुन सकेन ।


फेसबूक कमेन्ट गर्नुहोस्

DMCA.com Protection Status