काठमाडौं । ग्लोबल आइएमई बैंकले सडक दुर्घटनामा परि निधन भएकी अन्जली कुमारी माझीको परिवारलाई ५ लाख रुपैयाँ हस्तान्तरण गरेको छ ।
बैंकको विराटनगर शाखाले नवरत्न कर्मचारी बचत खाता खोली कारोबार गर्दै आएकी विराटनगरस्थित न्यूरो कार्डियो एण्ड मल्टी स्पेस्यालिटी अस्पतालमा कार्यरत माझीको सडक दुर्घटनामा परी निधन भएकाले उनको परिवारलाई सो रकम हस्तान्तरण गरेका हो ।
बैंकका १ नं. प्रदेशका सहायक प्रदेश प्रमुख सुजन श्रेष्ठ र न्यूरो कार्डियो एण्ड मल्टी स्पेस्यालिटी अस्पतालका अध्यक्ष डा. विरेन्द्र कुमार बिष्टले सयुक्त रुपमा मृतकका परिवारलाई विमान्कित रकम हस्तान्तरण गरेका हुन ।
बैंकले २६६ शाखा, ३४ राजस्व संकलन तथा एक्सटेन्सन काउण्टर, २५९ एटिएम तथा २४६ शाखा रहित बैंकिङमार्फत सेवा प्रदान गर्दै आईरहेको छ ।
