काठमाडौं । सिद्धार्थ बैंकले आफ्ना लगानीकर्ताहरुका लागि २५ दशमलव २६ प्रतिशत लाभांस प्रस्ताव गरेको छ । बैंकको सोमबार बसेको संचालक समितिको बैठकले १० प्रतिशत बोनस सेयर र १५ दशमलव २६ प्रतिशत कर प्रयोजनको लागि सहित नगद लाभांस प्रस्ताव गरेको हो ।
बैंकको हालको चुक्ता पूँजी ८ अर्ब ८८ करोड ७६ लाख रहेको छ । जसमा ८८ करोड ८८ लाख रुपैयाँ बराबरको बोनास सेयर दिने र १ अर्ब ३५ करोड बराबरको नगद लाभांस दिने बैंकले जानकारी दिएको छ । बैंकले उक्त लाभांस नेपाल राष्ट्र बैंकबाट पारित भएपछि वितरण गर्ने जानकारी दिएको छ ।
