। राष्ट्रिय वाणिज्य बैंकले देशकै उच्च हिमाली बस्तीमा आफ्नो शाखा कार्यालय संचालनमा ल्याएको छ । बैंकले देशकै उच्च हिमाली मानवबस्ती भएको स्थान डोल्पा जिल्लाको डोल्पोबुद्ध गांउपालिका वडा नं.१ धो मा उक्त शाखा कार्यलय संचालनमा ल्याएको हो । उपप्रधान तथा रक्षामन्त्री ईश्वर पोख्रेल र संघीय सांसद जनार्दन शर्मा प्रभाकरले एक समारोहका बीच संयूक्त रुपमा बैंकको २ सय ३८ औं शाखा कार्यालयको उद्घाटन गरेका हुन ।
यसै बीच डोल्पा जिल्लाको छार्काताङसोङ गाउंपालिका वडा ४ स्थित २ सय ३७ औं शाखा कार्यालय छार्काताङसोङको पनि कारोबार शुभारम्भ भएको छ । बैंकले गत आर्थिक बर्ष ५ अर्ब ३२ करोड रुपैंया खुद मुनाफा गरेको छ । यस अवधिमा बैंकको निक्षेप १ खर्ब ९० अर्ब रुपैंया, कर्जा १ खर्ब ४४ अर्ब रुपैंया र बेस रेट ५ दशमलव ५० प्रतिशत रहेको छ ।
