वित्तीय संघीयता कार्यान्वयन गर्न विश्व बैंकको साथ, दोस्रो वित्तीय तथा सार्वजनिक व्यवस्थापन विकास नीति स्वीकृत

विश्व बैंक

काठमाडौं । विश्व बैंकले नेपालको वित्तीय संघीयता कार्यान्वयनका लागि सरकारलाई सहयोग पुर्याउने गरी दोस्रो वित्तीय तथा सार्वजनिक व्यवस्थापन विकास नीति स्वीकृत गरेको छ ।

विश्व बैंकले स्वीकृत गरेको उक्त नीतिले नेपाल सरकारलाई वित्तीय संघीयता तथा सार्वजनिक वित्तीय व्यवस्थापनको फ्रेमवर्क निर्माण गर्न सहयोग पुर्याउनेछ । उक्त नीति अन्तर्गत १० करोड अमेरिकी डलर बराबरका आयोजनाको सुधार कार्यान्वयनका लागि अर्थ मन्त्रालयले समन्वय गर्ने भएको छ ।

यसले पहिलो वित्तीय तथा सार्वजनिक व्यवस्थापन विकास नीतिको आयोजनाहरुलाई समेत सहयोग पुर्याउनेछ जुन २०१८ को मार्चमा स्वीकृत भएको थियो ।

उक्त नीति अनुसार विभिन्न २ आधारमा टेकेर संघीय वित्त व्यवस्थापनको लागि सहयोग पुग्नेछ । जस अन्तर्गत पहिलो आधार अनुरुप विभिन्न संघीय तहको वित्तीय व्ववस्थापन, नीति परिमार्जन, नीति निर्माण लगायतका विषयमा सहयोग पुग्नेछ ।

यस्तै अर्काे आधारले भने बनेको नीति सबल तरिकाले कार्यान्वयन, खर्च व्यवस्थापन, राजस्व संकलन जस्ता कार्यलाई जोड दिने भएको छ । उक्त नीतिले नेपालको वित्तीय संघीयतालाई सबल तरिकाले चलाउन सहयोग पुग्ने विश्व बैंकको धारणा छ ।

यस्तै यसले तिनै तहको बजेटको उचित कार्यान्वयनमा समेत बल पुग्ने बैंकको भनाई छ ।


फेसबूक कमेन्ट गर्नुहोस्

DMCA.com Protection Status