काठमाडौं । सिटिजन्स बैंकले ईन्डिपेन्डेन्ट रिसर्च एण्ड ईन्भेष्टमेन्ट कम्पनी (र्आआरआईसी) सँग सम्झौता गरेको छ ।
आईतबार बैंकले उक्त कम्पनीसँग तालिम संचालन गर्ने सम्बन्धी समझदारी पत्रमा हस्ताक्षर गरेको हो ।
उक्त सम्झौता पश्चात सिटिजन्स बैंकका कर्मचारीहरुको कार्यदक्षता अभिबृद्धिको लागि आईआरआईसीले विभिन्न विषयमा नियमित रुपमा बैंकिङ तालिमहरु प्रदान गर्ने छ ।
यसका साथै कम्पनीले आयोजना गर्ने विभिन्न किसिमका सम्मेलन, सेमिनार तथा कार्यशालाहरूमा बैंकको सहभागिता रहनेछ ।
अब आउने निकट भविष्यमा पनिे कर्मचारीहरूको वृति विकाशका निमित्त विभिन्न कार्यक्रमहरू संचालन गर्ने बैंकले जानकारी दिएको छ ।
बैंकले हाल देशैभरी फैलिएका आफ्ना ८१ वटा शाखा, ७५ वटा ए्टिएम र ९९ वटा शाखा रहित बैंकिङ एकाईहमार्फत आफ्नो सेवा प्रदान गरिरहेको छ ।
