हिमालयन बैंकले ल्यायो मास्टर डेविड कार्ड, कार्ड प्रयोग गरी सामान खरिद गर्दा २० प्रतिशत छुट

काठमाडौं । हिमालयन बैंकले अन्तरराष्ट्रिय कार्ड प्रदाय मास्टर कार्डको डेविड कार्ड संचालनमा ल्याएको छ । बैंकले मास्टर कार्डको अत्याधुनिक र थप सुरक्षित चिप र पिन प्रविधियुक्त डेविड कार्ड संचालनमा ल्याएको हो ।

उक्त कार्ड हिमालयन बैंकमा प्रमुख कार्यकारी अघिकृत अशोक शम्शेर राणा र मास्टर कार्डको दक्षिण एसिया क्षेत्रीय प्रमुख पोरुष सिंहले संयुक्त रुपमा सार्वजनिक गरेका हुन् ।

उक्त कार्ड प्रयोग गरी सामान खरिद गर्दा वा होटल, पव लगायत अन्य स्थानमा विल भुक्तानी गर्दा २० प्रतिशत छुटको व्यवस्था गरेको छ । साथै बैंकले कार्ड सार्वजनिक गरेको अवसरमा नयाँ खाता खोल्ने ग्राहकहरुलाई निःशुल्क उक्त कार्ड उपलब्ध गराउने उद्घोष गरेको छ । उक्त कार्ड नेपालाभर कुनै पनि पस मेशिनमा प्रयोग गरी सामान खरिद गर्न सकिने छ ।

कार्यक्रममा बोल्दै बैंकक सिईओ राणाले आगामी दिनमा बैंकले थप नयाँ र आधुनिक बैंकिङ सेवा उपलब्ध गराउने बताएका छन् । साथै उक्त सेवाबाट ग्राहकहरु थप सुरक्षित हुने समेत उनको दाबी थियो ।


फेसबूक कमेन्ट गर्नुहोस्