काठमाडौं । एनआइसी एशिया बैंकले डिजिटल भुक्तानी प्रणाली अन्तरगत राजस्व भुक्तान गर्न सकिने सुविधाको लागि सम्झौता गरेको छ । बैंकले मंगलबार नेपाल क्लियरिङ हाउस लिमिटेडसँग उक्त सेवाको लागि सम्झौता गरेको हो ।
सो सम्झौता पश्चात एनआइसीका ग्राहकले आफ्नो खाताबाट ई–पेमेन्ट मार्फत नेपाल सरकारलाइ १ लाख रुपैया सम्मको राजस्व भुक्तान गर्न सक्नेछन ।
सो सेवाको लागि ग्राहकहरुले नेपाल क्लियरिङ हाउसको वेबसाइटमा रहेको फारम डाउनलोड गरेर बैंकको कुनैपनि शाखामा रुजु गराउनसक्ने जानकारी बैंकले दिएको छ ।
