काठमाडौं । सिटिजन्स बैंक इन्टरनेसनल लिमिटेडले आफ्नो पुरानो मोबाइल बैंकिङ सेवा स्तरोत्रति गर्दै नयाँ प्रबिधिमा आधारित मोबाइल बैंकिङ सेवा (सिटिजन्स स्मार्ट बैङकिङ) शुरुवात गरेको छ ।
यस नयाँ प्रविधिको मोबाइल बैंकिङ सेवाबाट कारोबार गर्दा अझ सुरक्षित हुने कम्पनीले जानकारी दिएको छ । साथै बैंकका अनुसार विश्वको जुनसुकै कुनाबाट जीपिआरएस अथवा वाइफाइ प्रयोग गरेर समेत कारोबार गर्न सकिन्छ ।
उक्त मोबाइल बैंकिङ सेवाको प्रयोग गरेर रिर्चाज कार्ड किन्न, बिजुली, टेलिफोन, एडिएसल आदिको रकम भुक्तानी गर्न, स्कुल, कलेज आदिको शुल्क तिर्न, क्रेडिट कार्डको रकम भुक्तान गर्न सकिन्छ । साथै यस बैंक भित्रको खाताबाट यसै बैंकको अर्को खातामा अथावा कुनै अर्को बैंकको खातामा रकम ट्रान्सफर गन समेत सकिने विज्ञप्तिमा उल्लेख छ ।
हाल एन्ड्रोइड मोबाइल प्रयोगकर्ताको लागि प्ले स्टोरमा सिटिजन्स स्मार्ट बैङकिङ उपलब्ध रहेको छ । आइफोन प्रयोगकर्ताको लागि भने केही समय पश्चात यो सेवा उपलब्ध हुने जानकारी बैङकले दिएको छ ।
