काठमाडौं । महालक्ष्मी विकास बैंकको प्रमुख कार्यकारी अधिकृतमा कृष्णराज लामिछाने नियुक्त भएका छन् । बैंक संचालक समितिको शनिबार बसेको बैठकले उनलाई सिईओमा नियुक्त गरेको हो । बैंकका तत्कालिन सिईओ रमेशकुमार भट्टराईले छाडेसँगै बैंक संचालन समितिले उनलाई सिईओमा नयुक्त गरेको हो ।
संचालक समितिले उनलाई आगामी ४ बर्षका लागि सिईओमा नियुक्त गरेको हो । नेपाल बैंकबाट अधिकृतस्तरबाट जागिर सुरु गरेका लामिछानेको बैंकिङ क्षेत्रमा ३० बर्षे लामो अनुभव रहेको छ । उनले यस अघि कैलाश विकास बैंकमा ८ बर्ष सिईओ पद सम्हालेका थिए ।
विकास बैंक संघका पूर्व अध्यक्ष लामिछानेले विभिन्न नियामक निकायमा समेत संचालको रुपमा काम गरिसकेका छन् ।
